Autoritetet amerikane kapën 18.5 tonë kokainë, vlera e së cilës ishte 500 milionë dollarë. Ajo ishte kontrabanduar në 15 anije në rajonin e Paqësorit Lindor, tha Gardëa Bregdetare e SHBA.
Një numër i madh i anijeve të Rojes Bregdetare morën pjesë në aksion dhe 49 të dyshuar u arrestuan, të cilët do të gjykohen në Florida jugore, raporton AP.
Agjencia vëren se kokaina është ende një nga drogat ilegale më të përdorura në Shtetet e Bashkuara
“Ka të dhëna shqetësuese se përdorimi dhe disponueshmëria e kokainës në Shtetet e Bashkuara është në rritje për herë të parë në 10 vitet e fundit”, thuhet në raportin e Departamentit të Shtetit mbi trafikun global të drogës për 2017.
Agjencia kujton se Raporti i Kombeve të Bashkuara mbi Drogën dhe Krimin për vitin 2018 thotë se në 2016, eksportet potenciale globale të kokainës arritën në 1,410 ton, niveli më i lartë i regjistruar ndonjëherë.
Dhe duke e gjykuar gjithë këtë zhvillim me kutin e gjuhës politike në Shqipëri, i bie që administrata Trump të shpallet si “qeveri droge”. Ky argument në fakt është përdorur nga mazhoranca përballë akuzave të opozitës, a më saktë shpalljes prej saj si “qeveri droge”, duke thënë se kudo ndodh që të kapet drogë, në Europë apo Amerikë, por nuk ndodh që qeverisjet përkatëse në ato vende të shpallen gjithashtu nga opozitat përkatëse sit ë lidhura me drogën.
Por opozita në Shqipëri, i referohet në akuzat e saj, një vale përhapjeje të kultivimit të kanabisit në vitin 2016. Sipas saj, ishte qeveria që e inkurajoi diçka të tillë. /tesheshi.com/
