Bashkimi Evropian, i ka zgjeruar sanksionet kundër kompanive ruse, duke bllokuar edhe transaksionet e disa kompanive shumë të mëdha europiane drejt Moskës.
Kështu, gjigandi Siemens i kishte shitur Moskës disa turbina energjie, por qeveria ruse i ka dërguar në Krime.
Brukseli ka reaguar ashpër duke penalizuar edhe gjigandin Siemens, i cili është mbrojtur, duke akuzuar Moskën se i ka dërguar turbinat ilegalisht në Krime që BE e konsideron territor të Ukrainës.
Brukseli ka ndaluar hyrjen në BE të zv.ministrit rus të Energjisë, Andrei Cherezov, por ka bllokuar edhe asetet, që ai firmos në bankat europiane.
Siç bëri të ditur BE, zv/ministri i Energjisë, Andrei Cherezov, dhe kreu i departamentit të ministrisë, Yevgeny Grabchak, janë futur në listën e “zezë” për “aksione që cenojnë territorin e Ukrainës, sovranitetin dhe pavarësinë e saj”.
Ministria e Jashtme e BE që drejtohet nga Mogherini, ka bërë të ditur se personave të sanksionuar ju ndalohet udhëtimi në vendet e BE-së dhe u bllokohen asetet që i kanë në kompani të territorit evropian.
Ministria e Jashtme e Rusisë, e ka quajtuar vendimin për zgjerimin e aksioneve, si hap “të pajustifikueshëm dhe hakmarrës”.
Krimea, ka qenë qendër e sanksioneve evropiane, sa i përket teknologjisë energjetike, prej kur forcat ruse kanë marrë kontrollin në atë rajon nga marsi i vitit 2014.
Me vendimin e fundit, lista e sanksioneve arrin numrin e 153 personave të ndaluar.
Sanksionet kanë filluar nga marsi i vitit 2014.
/tesheshi.com/
