Dy grupe të mëdha emigrantësh thuhet se kanë arritur të çajnë një gardh në kufirin midis Bjellorusisë dhe Polonisë.
Dhjetra njerëz arritën të rrëzojnë një gardh pranë fshatrave Krynki dhe Bialowieza dhe të kalojnë kufirin, njoftoi agjencia polake PAP, duke cituar radiostacionin lokal Bialystok.
Stacioni citon një zëdhënëse të forcave kufitare të ketë thënë se në të dyja rastet, gardhet në kufi janë rrëzuar me forcë.
Disa emigrantë u dërguan në Bjellorusi, ndërsa të tjerët arritën të arratiseshin, tha ajo.
Videot tregojnë turma njerëzish në anën bjelloruse të kufirit me Poloninë, ku janë ngritur tela me gjemba. Disa prej tyre përpiqen të depërtojnë në anën tjetër duke përdorur mjete prerëse teli, trungje pemësh ose duke përdorur forcë të përbashkët, ndërsa nga ana tjetër rojet polake duket se po përdorin gaz lotsjellës për t’i penguar në përpjekjet e tyre.
Kolejna noc #naGranicy pic.twitter.com/9P1GLReji5
— podlaska Policja (@podlaskaPolicja) November 10, 2021
Shumë emigrantë janë të rinj, por ka edhe gra dhe fëmijë, kryesisht nga Lindja e Mesme dhe Azia, janë vendosur në tenda në territorin e Bjellorusisë, të vendosura midis rojeve polake nga njëra anë dhe bjelloruse nga ana tjetër.
Temperaturat gjatë natës kanë rënë nën zero dhe disa njerëz kanë vdekur nga i ftohti javët e fundit.
Polonia refuzon të pranojë emigrantë në territorin e saj, kështu që javët e fundit ka dërguar qindra anëtarë të forcave të saj në kufi dhe ka ngritur tela me gjemba, në një përpjekje për të parandaluar çdo përpjekje të emigrantëve për të depërtuar.
📣Przypominamy: 2/2
odprowadza się ją do linii granicy. @Straz_Graniczna dziękuję @MON_GOV_PL, @PolskaPolicja za wspólną służbę. Dzięki Wam mamy kolejny spokojny poranek. pic.twitter.com/TxqSZnKCxh— Straż Graniczna (@Straz_Graniczna) November 10, 2021
Të martën, presidenti bjellorus Alexander Lukashenko kërkoi që emigrantët të lejohen të hyjnë në Poloni. Në një intervistë, ai tha se shumica prej tyre duan të shtrihen më tej, në Gjermani.
Bashkimi Evropian ka akuzuar Minskun se i ndihmon emigrantët të arrijnë kufijtë e jashtëm të BE në Poloni, Lituani dhe Letoni, si hakmarrje për sanksionet perëndimore të vendosura ndaj Bjellorusisë për shtypjen politike të opozitës së saj.
Lukashenko, i cili quhet “diktatori i fundit i Evropës”, ka mohuar se ka sjellë qëllimisht njerëz nga vende në krizë si Siria, Afganistani, Libia dhe Iraku dhe më pas i ka liruar ata drejt kufirit me Bashkimin Evropian.
Bashkimi Evropian aktualisht po planifikon të vendosë sanksione të reja kundër Bjellorusisë, të cilat do të zbatohen në mënyrë specifike për kompaninë ajrore shtetërore Belavia për gjoja transportimin e emigrantëve në Bjellorusi. /tesheshi.com/
