Në Kosovë, në 24 orë kanë ndodhur 109 aksidente në trafikun e zhvilluar në kushte të reshjeve të dëborës dhe si pasojë e pakujdesisë dhe mungesave të pajisjeve dimërore për automjetet.
Në kryeqytet, Prishtinë, në katër raste të aksidenteve janë përfshirë 44 autovetura, bën të ditur Policia e Kosovës.
Sipas raportit të 24 orëve të fundit, të dërguar nga Policia, në asnjërin nga 109 aksidentet nuk ka pasur humbje jetësh, ndërsa në 19 kishte të lënduar, e në 90 të tjerat ka vetëm dëme materiale.
Referuar kushteve atmosferike si dhe numrit të lartë të aksidenteve, Policia e Kosovës bën apel tek të gjithë qytetarët dhe pjesëmarrësit në trafik që t’i respektojnë dispozitat ligjore, të iu përmbahen kushteve të rrugës dhe atyre atmosferike, të posedojnë pajisjet dimërore, përfshirë edhe gomat, që të parandalohen aksidentet dhe të ketë një siguri më të madhe në trafik.
Në të kundërtën, Policia e Kosovës paralajmëron se do të merr masa ligjore ndaj të gjithë shkelësve të ligjit.
/tesheshi.com/
