Deputetët “rebelë” nga radhët e Konservatorëve e kanë mposhtur qeverinë britanike në fazën e parë të përpjekjes për të miratuar një ligj që synon parandaluar një Brexit pa marrëveshje.
Deputetët votuan 328 vota pro dhe 301 kundër për të marrë në dorë agjendën e Brexit, duke shmangur kështu një dalje pa marrëveshje nga BE. Megjithatë shumica në këtë votim nuk mund të krijohej nëse 21 deputetë nga Partia Konservatore nuk do të votonin kundër qeverisë së tyre.
Si përgjigje, Boris Johnson tha se ai do të paraqiste një propozim për zgjedhje të parakohshme. Jeremy Corbyn tha se projektligji duhet të miratohet përpara se të mbaheshin zgjedhjet.
Në total, 21 deputetë konservatorë, përfshirë një numër i madh i ish-ministrave të kabinetit, u bashkuan me partitë e opozitës për të mposhtur qeverinë.
Pas votimit, kryeministri Johnson tha se ata deputetë konservatorë që u rebeluan do të dëboheshin nga partia dhe parlamenti. /tesheshi.com/
