Kanye West ka paguar një tarifë prej 35,000 dollarë për të kandiduar si një kandidat i pavarur dhe do të paraqitet në fletën e votimit në shtetin e Oklahoma.
Megjithatë, situata është konfuze pasi shumë burime pretendojnë se West i ka dhënë fund fushatës së tij jetëshkurtër.
West është një nga tre kandidatët. Konkurrentët e tij midis të pavarurve përfshijnë pianistin Jade Simmons dhe sipërmarrësin Brock Pierce.
Muzikanti paraqiti kërkesën dhe pagoi tarifën një ditë pasi një burim nga New York Magazine citoi këshilltarin Steve Kramer të thoshte se West nuk do të kandidojë dhe se stafi që ai punësoi ishte i zhgënjyer.
West ka humbur tashmë afatin për të kandiduar në zgjedhje në disa shtete, dhe kushtet që kandidatët duhet të plotësojnë për t’u paraqitur në fletëvotimet ndryshojnë nga shteti në shtet.
West deklaroi se ai imagjinon versionin e tij të Shtëpisë së Bardhë bazuar në filmin “Panthera e Zezë”, dhe nëse ai fiton, ai dëshiron të “kthehet në Wakanda”, duke iu referuar vendit të trilluar nga filmi në fjalë. /tesheshi.com/
