Kandidati me pozitën më të fortë aktualisht mes rivalëve për postin presidencial në Francë i ka trazuar ujërat në vendin e tij me deklaratën se kolonizimi i Algjerisë nga Franca ishte një krim kundër njerëzimit.
Gjatë një vizite në Algjer, Emmanuel Macron ka thënë në një intervistë televizive se aksionet franceze ishin “vërtet barbare, dhe përbëjnë një pjesë të së shkuarës sonë me të cilën duhet të përballemi duke kërkuar ndjesë”.
Ndërsa e cilësoi kolonializmin francez në Algjeri një krim kundër njerëzimit, Macron bëri dhe një ndalesë në Algjer në Memorialin e Dëshmorëve.
Pak a shumë gjëra të ngjashme do të deklaronte ai në tetorin e shkuar dhe për revistën Le Point, për të cilën do të thoshte: “Po, kishte tortura në Algjeri, por kishte gjithashtu lindje të një shteti, të një klase të mesme. Ky është realiteti i kolonializmit. Ka elemente civilizimi dhe elemente barbarizmi.”
Komentet e tij nuk janë pritur mirë mes rivalëve në zgjedhje nga e djathta. Njëri prej tyre, Francois Fillon, do t’i quante komentet e Macron-it të padenja për një kandidat për presidencën e republikës. /tesheshi.com/
