Cornel West, një filozof dhe aktivist politik dhe një kandidat i pavarur për zgjedhjet presidenciale të 2024 në SHBA, foli për Al Jazeera-n për mbështetjen e të drejtave palestineze.
Duke folur për sulmin aktual izraelit në Rripin e Gaza-s, ai shpjegoi pse i mbështet palestinezët.
“Unë vij nga një komb i madh i zi, i cili ishte i terrorizuar, i traumatizuar dhe i urryer për 400 vjet. Vetë hebrenjtë u urryen, u terrorizuan dhe u traumatizuan për 2000 vjet. Izraelitët i kanë urryer, terrorizuar dhe traumatizuar palestinezët për 75 vjet e më shumë.”
“Më akuzojnë se i dua palestinezët”
“Pra, ju keni të bëni me dy grupe që janë të urryera, të terrorizuar dhe të traumatizuar dhe duhet ta keni të qartë se nuk ka të bëjë asgjë me urrejtjen anti-hebreje kur flisni për dashurinë për vëllezërit dhe motrat tona të çmuara palestineze, të cilët po kalojnë një sulm barbar gjenocidal mbi trupat e tyre, dinjitetin dhe humanizmin e tyre”, tha West.
“Dhe është kaq e lehtë për qeverinë izraelite dhe për njerëzit konservatorë të krahut të djathtë në shoqërinë dhe perandorinë amerikane të më akuzojnë mua dhe të tjerët se jemi anti-hebrenj thjesht sepse i duam palestinezët,” shtoi ai.
Ai thotë se është i përqendruar në “përplasjen e gënjeshtrave” për luftën në Gaza.
“Ne duhet të thyejmë gënjeshtrat. Ka pasur përpjekje për të racionalizuar dhe justifikuar pushtimin izraelit, nënshtrimin izraelit dhe degradimin izraelit. Dhe ne duhet të jemi kritikë ndaj vëllezërve dhe motrave tona palestineze nëse ata marrin pjesë në vrasjen e njerëzve të pafajshëm. Këto janë krime lufte dhe unë jam kritik ndaj kësaj…”
“Si duhej drejtësia? Dinjitet i barabartë, të drejta të barabarta, akses të barabartë në burime për palestinezët dhe hebrenjtë në atë rajon të botës”, tha ai.
Ai tha për Partinë Demokratike të presidentit amerikan Joe Biden se ajo është “etikisht e falimentuar”.
Nga se kanë frikë liderët me lëkurë të errët?
“Kur shoh Partinë Demokratike, shoh falimentimin, është etikisht e falimentuar, është e gatshme të mundësojë gjenocid. Qeveria izraelite është e gatshme ta bëjë këtë, dhe qeveria amerikane është e gatshme ta mundësojë atë. Duhet të jemi shumë, shumë të qartë dhe shumë, shumë të sinqertë. Ne duhet të jemi të sinqertë dhe duhet të flasim pa frikë. Fatkeqësisht, ne kemi madje një valë të tërë udhëheqësish me lëkurë të errët, të cilët janë kaq të frikësuar nga AIPAC (Komiteti Amerikan i Izraelit), të frikësuar nga Liga Anti-Shpifje, të frikësuar nga çdo presion ndaj tyre…
Ku është përkushtimi i tyre për të vërtetën? Ku është përkushtimi i tyre për drejtësi? Çfarë lloj integriteti kanë ata?
Këto janë standarde morale dhe shpirtërore dhe unë dua të jem besnik ndaj standardeve të madhështisë morale dhe shpirtërore”, tha West. /tesheshi.com/
