Në një kohë kur Malta dhe Italia po hahen rreth pranimit të një mase refugjatëve të shpëtuar nga deti, Kancelari austriak Sebastian Kurz apelon për moslejimin e asnjë anijeje me emigrantë për të mbërritur në Evropë.
Ndodh kjo ndërsa ministri i Brendshëm italian, Mateo Salvini ka kërcënuar sërish Libinë për emigrantët që vijojnë të dalin prej saj. Dhe, në qoftë se shtetet e tjera anëtare të Bashkimit Evropian nuk dëshirojnë t’i pranojnë, Kurz u deklarua se anijet që vijnë nga Afrika nuk lejojnë ankorimin në vendet anëtare të BE-së.
Për momentin ekziston një anije me 177 refugjatë të shpëtuar që presin të marrin leje për të hyrë në një port të vetëm.
Italia refuzon ta pranojë anijen “Dichioti”, me pretendimin se emigrantët janë shpëtuar në atë pjesë e Mesdheut ku Malta është përgjegjëse.
Ndërkohë, Kancelari Kurz, pas një bisede telefonike me kryeministrin maltez Joseph Muscat, tha se kishte rënë dakord që anijet me refugjatë të mos ishin në gjendje të arrijnë në Evropë.
“Këto anije duhet të ndalen, por në kufirin e jashtëm të BE-së dhe emigrantët të kthyer në vendin e tyre të origjinës ose në një vend të tretë të sigurt në kontinentin afrikan”, theksoi ai.
Kurz tha se ai ndan pikëpamjen e njëjtë me homologun e tij maltez që asnjë anije nuk mund të lundrojë drejt BE-së.
Edhe shtetet e tjera anëtare të BE-së, sipas fjalëve të tij, nuk duhet të lejojnë që anije nga Afrika e Veriut të lundrojnë drejt Evropës. /tesheshi.com/
