Provinca kanadeze Kebek ka miratuar një ligj diskutabil përmes të cilit ndalon disa punonjës të sektorit publik që të mbajnë simbolet fetare gjatë orarit të punës. Vendimi ka shkaktuar protestë nga grupet për liritë civile dhe grupet muslimane.
Legjislacioni i quajtur Bill 21, i cili u miratua në provincën kryesisht frëngjishtfolëse, ndikon te punëtorët publikë në pozita të autoritetit, duke përfshirë mësuesit, gjyqtarët dhe oficerët e policisë, por përjashton punonjësit e tanishëm qeveritarë dhe shërbyesit civil.
Nëse punëdhënësit nuk e zbatojnë ndalimin, ata do të përballen me masa të papërcaktuara “disiplinore”.
Për mësuesit e shkollave, media lokale raportoi se vetëm ata që janë punësuar pas 28 marsit nuk do të lejohen të mbajnë simbole fetare. Megjithatë, nëse një mësues i punësuar para 28 marsit dëshiron të promovohet, ai ose ajo nuk do të lejohej të mbajë simbole fetare. /tesheshi.com/
