Ministri i Brendshëm Saimir Tahiri replikoi me Ylli Manjanin, i cili e sulmoi mbrëmë në “Top Story”, duke e cilësuar si “analist brenda qeverisë”.
Në konferencën e përbashkët me homologun austriak, VVolfgang Sobotka, Ministri Tahiri, i pyetur në lidhje me çështjen e kanabizimit të vendit, tha se vlerësimet për luftën antidrogë, i jep Kryeministri.
“Unë nuk jam komentator, jam Ministër dhe kam detyrimin të bëj punën time më mirë për një Shqipëri më të drejtë, më të sigurtë dhe më të zhvilluar. Nuk kam dëshirë të komentoj komentet, aq më pak kur komentet janë nga një koleg tjetër i imi, i cili po si unë ka detyrën të bëjë sa më mirë detyrën. Punën tonë e vlerëson Kryeministri dhe mbi të gjitha e vlerëson dhe e gjykon publiku dhe qytetarët të cilët me plot të drejtë presin sa më pak fjalë dhe sa më shumë punë. Ajo që kemi bërë në luftën kundër drogës bashkë me partnerët është prioritet maksimal i yni dhe Shqipëria do vazhdojë të bëjë akoma më shumë për një Shqipëri të denjë për shqiptarët. Siç po bëjmë më shumë për partnerët në luftën”, tha Tahiri.
Ylli Manjani tha mbrëmë në “Top Story” se kanabisi është emergjencë kombëtare dhe shtoi se po hartohet një dokument strategjik për luftën ndaj tij. /tesheshi.com/
