Qeveria ka shkuar më në fund te ajo që Koço Kokëdhima do kërkonte vite më parë pas ç’kanabizimit të Lazaratit: legalizimin e kanabisit…për përdorim mjekësor.
Kështu, këtë të premte qeveria ka miratuar projektligjin për kanabisin-ilaç, shoqëruar me sqarimet përkatëse nga ministrja e linjës Ogerta Manastirliu.
“Nga këshillimi kombëtar ku 61% e qytetarëve u shprehën pro, ka filluar puna nga disa ministri. Ky projektligj përcakton kuadrin rregullator për mënyrën pse si do iniciohet procesi. Qëllimi është rregullimi dhe granatimi i procesit të kontrollit dhe mbikëqyrjes së prodhimin, përpunimit.
Aspekte kryesore, lidhen me aspekte rregullatorë që i përkasin nga momenti i kultivimit dhe eksporti i sigurt dhe i kontrolluar.
Ka një element të veçantë: aspekti rregullator përcakton edhe institucionet që do merren me kontrollin e përpunimit dhe prodhimit të produkteve për qëllime mjekësore. Do krijohet Agjencia Kombëtare për kontrollin e kanabisit. Janë parashikuar të gjitha kushtet për aspektet e dhënies së licencave dhe lejeve me kritere të përcaktuara dhe konsultuara dhe mirëoganizuara.
Kemi patur gjithë vëmendjen e duhur për të gjithë praktikat më të mira në botë”, tha Manastirliu. /tesheshi.com/
