Shqipëria është në rrugën e duhur. Kështu deklaroi eurokomisioneri Johannes Hahn në Tiranë në krah të kryeministrit Edi Rama.
“Në vlerësimin tonë Shqipëria është në rrugën e duhur dhe aspirata europiane duhet të jetë një objektiv kombëtar që mbështetet nga të gjithë elementët, partitë politike, shoqëria civile e madje edhe media”, deklaroi komisioneri. Ndër problemet kryesore që shqetësojnë Bashkimin Europian sa i takon Shqipërisë ai renditi luftën kundër kanabisit dhe azilkërkuesit. Ndërkohë për vetingun, Hahn vuri në dukje se pritet progres.
“Në veçanti kemi diçka për të treguar, një histori të re në lidhje me ecurinë me progresin, si shembull sa i përket luftës kundër kultivimit dhe trafikimit të drogës, apo për uljen në mënyrë të konsiderueshme të numrit të azilkërkuesve në BE dhe kjo është një arritje tjetër e madhe dhe është e rëndësishme që të ndryshohen disa deficite në reputacion, sepse ato ekzistojnë dhe është e vështirë të përballemi me to”, deklaroi Komisioneri.
Komisioneri deklaroi se vitin e ardhshëm do të organizohet një Samit për Ballkanit Perëndimor në Bullgari, 15 vite pas atij të Selanikut. /tesheshi.com/
