Një vëzhgim mbi shpezimet e fushatës elektorale në Shqipëri bën të ditur se LSI dhe Kamza ka përdorur vlera më të ëdha monitore për zgjedhjet vendore.
Siç bën të ditur monitor.al, agjencitë e printimit të flamujve dhe banerave theksojnë se kjo nuk është një nga fushatat më të shtrenjta dhe se nuk ka më para “lumë” nga partitë e mëdha, por vetëm nga kandidatët të cilët financojnë vetëm nëpërmjet kanaleve private. Ndërkohë, ende nuk ka një shifër reale që duhet ta bëjë Komisioni Qendror I Zgjedhjeve. Në mënyrë tragjikomike, KQZ paratë zyrtare I mbledh vetëm në fund, por ata që nuk janë deklaruar. Ndërkohë shpenzimet shkojnë më shumë.
Grosistët e importit të letrës pohojnë se kjo fushatë nuk ka sjellë importe më të mëdha të letrës në krahasim me të tjerat. Por këtë vit ka edhe një arsye tjetër themelore që çon në shpenzime më të pakta. Ndarja e re administrative ka tkurrur njësitë nga mbi 320 në vetëm 61. Për rrjedhojë, më pak kandidatë në fushatë do të thotë më pak postera dhe banera dhe sigurisht, më pak takime.
Kamza vlerësohet si një nga fushatat më të shtrenjta për sipërfaqen në të cilën zhvillohet gara. Kompania që ka kryer prodhimin e posterave për një nga kandidatët pohon se sasia e printuar është 4500 m2 për një kosto prej 20 mijë euro. Pothuajse të njëjtën sipërfaqe ka printuar dhe konkurrenti tjetër. Burime po nga e njëjta kompani pohojnë se për kandidatët e Tiranës ata kanë printuar nga 500 m2 për secilin, shumë më pak se për konkurrentët e Kamzës.
Në Kamzë po zhvillohet një garë e fortë ndërmjet kandidadit të LSI, Safet Gjici dhe atij të PD-së, Xhelal Mziu.
Në total, kjo kompani ka printuar për fushatë rreth 12 mijë m2. Kandidatët në përgjithësi janë të rrgullt me pagesat. Një tjetër operator tregu, po ndër më të mëdhenjtë, pohon se sasia e printuar prej tyre ka qenë rreth 6000 m2.
