Kampionia e kontinentit: Valëvitje e artë kuqezi në Poloni

Atletja Luiza Gega është shpallur kampione Europe, duke rrëmbyer një tjetër fitore në Europianin të Atletikës që po zhvillohet në Poloni. 34-vjecarja shqiptare ka shkëlqyer në garën e tre mijë metrave me pengesa, ku ka zënë vendin e parë, ndërsa ka vendosur një kohë rekord, konkretisht 9 minuta e 17 sekonda.

Ky rekord i Gegës nuk është lënë jashtë vëmendjes nga autoritetet më të larta të atletikës në Evropë, të cilat kanë vlerësuar performancat e njëpasnjëshme të shqiptare, e cila është aktualisht në majën e Evropës.

Gega ka barazuar rekordet e Ivet Lalova Colio nga Bullgaria, e cila numëron 11 fitore dhe dy vende të dyta në garat evropiane, e cila është cilësuar si atletja më e suksesshme në Evropë.

Pak ditë më parë, Gega fitoi edhe në garën e 5 mijë metrave, teksa dita e sotme ishte kryesore për atleten kuqezi, që fitoi në disiplinën e saj në tre mijë metra me pengesa.

Shqipëria ka përfituar medalje të njëpasnjëshme në muajt e fundit, pikërisht në emrin e Luiza Gegës. /tesheshi.com/