Kryqi i Kuq ka lajmëruar për një ngarkesë me ndihma që ka mbërritur këtë të shtunë në Siri në një zonë të kontrolluar nga rebelët e të rrethuar nga trupat e regjimit sirian.
Bëhet fjalë për tridhjetë e një kamionë me ndihma që kanë mundur të hyjnë në el-Hula, në provincën e Homsit.
Përveç ushqimeve për 14.200 familje, ngarkesa, e dyta në këtë zonë që prej 22 marsit, përmbante dhe artikuj të tjerë, mes të cilëve batanije, vaksina, pompa uji e gjeneratorë.
Në Duma gjithashtu janë dërguar ndihma një ditë më parë, të parat të dërguara nga OKB-ja që prej vjeshtës së tre viteve të shkuara.
Kombet e Bashkuara flasin për rreth 600.000 njerëz që jetojnë në zonat e rrethuara në Siri, e për katër milionë të tjerë që banojnë në zona ku është vështirë të arrihet. /tesheshi.com/
