Një kamikaz ka hedhur veten në erë pranë konsullatës së Shteteve të Bashkuara të Amerikës në qytetin saudit Gedda, duke plagosur dy agjentë. Lajmi është raportuar nga mediat lokale. Sulmi ka ndodhur në ditën e Pavarësisë së Shteteve të Bashkuara.
Në vitin 2004 një tjetër sulm i ngjashëm në po këtë konsullatë i mori jetën nëntë personave. Ambasada amerikane në Arabinë Saudite ka konfirmuar se nuk ka persona të plagosur nga ana e stafit të konsullatës së Gedda-s. Ambasada ka bërë me dije se do të vijojë të jetë në kontakt me autoritetet dhe se është e hapur ndaj çdo hetimi.
Pas sulmit të fundit, ambasada u ka bërë thirrjeve qytetarëve të saj të kenë kujdes dhe të marrin masa ekstra kur udhëtojnë në vend.
Ministri i brendshëm i Riad ka bërë me dije se kamikazi ka aktivizuar xhupin e tij me eksploziv në momentin që janë afruar rojet e sigurisë, pranë parkimit të një spitali, në afërsi të konsullatës amerikane. Ai ndërroi jetë ndërsa dy agjentët që plagosën ndodhen jashtë rrezikut për jetën. Nuk është bërë ende i ditur se cili ka qenë objekti i këtij sulmi kamikaz./tesheshi.com/
