Nga një park i kafshëve të egra në Kamerunin qendror kanë ikur katër luanë të uritur, duke terrorizuar vendasit dhe duke sulmuar kopetë e bagëtive.
Luanët u arratisën nga parku Mbam-et-Kim dhe sulmuan bagëtitë, duke vrarë rreth 30 sosh, sipas njoftimeve të mediave lokale.
Autoritetet rajonale kanë ngarkuar Agjencinë Gjermane për Bashkëpunim Ndërkombëtar (GIZ) për gjetjen e luanëve.
Autoritetet e parkut të kafshëve të egra fillimisht mendonin se vetëm dy luan kishin ikur, por pas ekzaminimit të gjurmëve të maceve dhe duke dëgjuar ulërimën e tyre, ata përcaktuan se katër janë ikur.
Autoritetet u thanë banorëve të mos kenë frikë dhe të mbeten brenda shtëpive të tyre pasi të errësohet.
Vend i Afrikës Qendrore, Kameruni, që gjendet në Gjirin e Guinesë, është shtëpia e parqeve të shumta të kafshëve të egra. Luani është kafsha kombëtare e Kamerunit dhe shumë turistë në vend vijnë për të parë familjen e maceve më të fuqishme. Herë pas here, këta grabitqarë ikin nga parqet sulmojnë dhe vrasin njerëzit dhe kafshët. /tesheshi.com/
