Pas prezantimit të projektit të kamerave të trupit nga ana e ministrisë së Brendshme, kreu i opozitës, Lulzim Basha, në një reagim të tij përmes Facebook-ut, e ka cilësuar këtë projekt si propagandë mashtruese dhe asgjë më shumë.
“Çdo teknologji që shton sigurinë e lufton krimin është e mirëpritur, por e gjitha mund të shkojë në të kundërtën, kur bie në duart e gabuara. Kush do t’i shohë kamerat kur Ministri i Brendshëm takohet dhe ndërmjetëson me vrasësin me pagesë në zyrën e tij dhe në vilat qeveritare ne plazh?”, – shtroi pyetjen Basha.
Duke akuzuar ministrin Tahiri, Basha deklaroi se kamerat e tij, thjesht s’do të punojnë, ose do të jenë me defekt teknik, kur vjen puna për të pasqyruar lidhjet e tmerrshme që ai ka me krimin. /tesheshi.com/
