Presidenti serb Vuçiç komentoi djegien e flamurit të vendit të tij në protestën që u zhvillua pasditen e djeshme në Tiranë, duke e kuptuar atë si një akt për interesa politike
“Kjo ndodhi këtu (Tiranë) mbrëmë dhe nuk do të hyj në arsyet e tyre të brendshme partiake. Por sigurisht që është e papranueshme përdhosja e simboleve dhe mendoj se Shqipëria reagoi me shpejtësi, seriozitet dhe përgjegjësi dhe vetë kryeministri Rama”, tha Vuçiç.
Ndërkohë, dy protestues janë arrestuar nga policia dhe 6 të tjerë janë vënë nën hetim për djegien e katër flamujve serbë përpara kryeministrisë.
“Strukturat e Policisë së Shtetit, pas provave të grumbulluara, bënë kapjen dhe shoqërimin e 8 personave që u përfshinë në veprimtari të kundërligjshme gjatë zhvillimit të protestës në bulevardin ‘Dëshmorët e Kombit’.
Në përfundim të veprimeve të kryera nga strukturat hetimore të Policisë u bë arrestimi në flagrancë i shtetasve:. A. C., 41 vjeç, banues në Tiranë dhe B. B., 56 vjeç, banues në Krujë.
Gjithashtu u proceduan penalisht në gjendje të lirë 6 shtetas të mitur të moshës 15 e 16 vjeç, banues në Tiranë dhe në Durrës.
Këta shtetas, gjatë zhvillimit të protestës pasditen e djeshme, në bulevardin ‘Dëshmorët e Kombit’, para Kryeministrisë, kanë djegur katër flamuj kombëtar të Serbisë. Materialet procedurale u referuan në Prokurorisë pranë Gjykatës së Shkallës së Parë Tiranë, për veprime të mëtejshme, për veprat penale ‘Nxitja e urrejtjes ose grindjeve’ dhe ‘Poshtërimi i Republikës dhe i simboleve të saj’”, njofton policia.
Sipas kryeministrit Rama, e njëjta gjë ndodhi në Beograd kur u dogj flamuri shqiptar.
Nga ana tjetër, duke komentuar takimin e radhës në Tiranë në kuadër të projektit “Ballkani i Hapur”, Vuçiç theksoi se “Njerëzit do të lëvizin shumë më tepër, do të kenë mundësi për biznes dhe bashkëpunim”. /tesheshi.com/
