Industria e armëve kallashnikov ka regjistruar tashmë shitjet e saj më të mira në 20 vjet këtë vit, pasi pushkët e saj të sulmit po blihen me një normë “rekord”, pas shtatë muajsh luftë në Ukrainë.
Shitjet e pushkëve të saj automatike janë rritur me 40 përqind këtë vit, njoftoi të enjten presidenti i industrisë Alan Luznikov nga qyteti i Izhevsk. Ai nuk dha një numër absolut të shitjeve të pushkës së sulmit më të njohur në botë.
Prioritet janë furnizimet për Ministrinë e Mbrojtjes së Rusisë, theksoi z.Luzhnikov.
“Garantimi i aftësisë mbrojtëse të vendit, veçanërisht në kushtet aktuale, është detyrë në të cilën janë fokusuar të gjitha departamentet e kompanisë pa përjashtim”, tha ai.
Krahas shitjeve brenda Rusisë, ka edhe rritje të eksporteve, sipas kreut të prodhuesit rus të armëve. Tashmë në shtator, shitjet jashtë tejkaluan ato të regjistruara në të gjithë vitin e kaluar, siguroi ai.
“Kapaciteti ynë prodhues po shfrytëzohet shumë intensivisht këtë vit”, sipas z. Luznikov. Për shembull, dihet se forcat e armatosura indiane po marrin 70,000 pushkë AK-103 këtë vit.
Sipas kompanisë shtetërore të eksportit të armëve Rosoboronexport, më shumë se 100,000 armë kallashnikov të llojeve të ndryshme eksportohen tani në mbarë botën çdo vit.
Ndërsa “Automat Kallashnikov”, pushka më e përhapur në planet, shpesh kopjohet pa leje.
Me kallashnikovin është e lidhur dhe kronika e zezë shqiptare. Arma e famshme ruse, e cila gëlonte në ushtrinë shqiptare nën komunizën, që nga 97-ta e sot, kur ra masivisht në duar turmash të ekzaltuara me të, vret sot e kësaj dite në ngjarje të ndryshme kriminale. /tesheshi.com/
