Guvernatori i Kalifornisë shpalli gjendjen e jashtëzakonshme pasi zjarret e pafrenueshëm detyruan me qindra banorë të largohen nga shtëpitë e tyre në veri të vendit.
Guvernatori Jerry Brown tha se zjarri ka shkatërruar ndërtesa të tëra në Napa dhe në kontenë Lake sikundër kërcënon me dhjetëra shtëpi të tjera në zonë.
Më shumë se 1300 persona u larguan nga Middletown në veri të San Franciskos, pasi shtëpitë e tyre u përpinë nga flakët.
Katër zjarrfikës u dëmtuan keqazi dhe po marrin mjekim në spital.
Zjarret në veri të Kalifornisë janë shtuar për shkak të temperaturave të larta dhe viteve të tëra thatësire. Shteti shpenzoi 212 milionë dollarë duke luftuar me zjarrin, vetëm në korrik. Burime zyrtare thanë se zjarri shkatërroi më shumë se 275 shtëpi e ndërtesa të tjera ndërsa Kryqi i Kuq ka hapur streha të përkohshme për banorët e evakuuar. /tesheshi.com/
