Agjencia e Ushqimit dhe Veterinarisë në Kosovë ka asgjësuar 213.489 produkte ushqimore me origjinë shtazore, 355.547 kg produkte ushqimore dhe me origjinë bimore. 94.064 litra lëngje, pasi të gjitha këto kanë rezultuar me rrezik për shëndetin e qytetarëve.
“Si pasojë e sëmundjeve të ndryshme janë asgjësuar; 279 gjedhe, 48 dele, 8000 pula dhe 232shoqëri bletësh. Gjatë vitit 2016 në laboratorët e LUV, respektivisht në laboratorin e shëndetit të kafshëve janë sjellur 16221 mostra. Në laboratorin e sigurisë ushqimore janë sjellur 970 mostra, ndërsa në laboratorin e qumështit janë sjellur 17176 mostra. Të gjitha mostrat janë analizuar sipas procedurave standarde operative”, bëhet e ditur më tej në raportin vjetor të zyrës së kryeministrit.
Bëhet e ditur gjithashtu se në terren janë kryer 7008 inspektime të operatorëve të biznesit, nga ky numër 47 mijë e 889 lëndë janë inspektuar nga ana e inspektoriatit kufitar, ndërsa janë dorëzuar në gjykata 161 fletparaqitje për shkeljet e operatorëve.
“Aktivitetet në fushën e inspektimit – janë kryer aktivitetet si në vijim: 7008 inspektime të operatorëve të biznesit me qëllim të arritjes përputhshmërisë me rregullat e definuar me legjislacion nga ana e inspektoratit të brendshëm; 47889 lëndë të inspektuara nga ana e inspektoratit kufitar ( ai veterinar dhe fitosanitar; 162 fletëparaqitje për shkeljet e kryera nga operatorët e bizneseve të dorëzuara në gjykata përkatëse”, thuhet në raport. /tesheshi.com/
