Shpërthime të fuqishme tronditën Kajron në orët e mëngjesit të së enjtes, e ato janë verifikuar pranë një ndërtese të sigurisë në kryeqytetin egjiptian.
Agjencitë njoftojnë se nga shpërthimet kanë mbetur të plagosur gjashtë policë, megjithëse nuk dihet nëse ka viktima.
Shpërthimi i parë i fuqishëm ndodhi pak pas mesnate, ndërsa është dëgjuar thuajse në të gjithë kryeqytetin egjiptian.
Burime mjekësore flasin për më shumë se 20 civilë të plagosur, por nuk ka të dhëna zyrtare.
Ndertësat pranë asaj të Sigurisë Kombëtare ku ndodhi shpërthimi janë dëmtuar. Nuk ka ende asnjë grup që ka marrë përgjegjësinë për sulmin.
Egjipti ndodhet në trazira që prej grushtit të shtetit që rrëzoi nga pushteti presidentin e parë të zgjedhur në mënyrë demokratike në vend, Mohamed Morsi në 2013.
Shpërthimet vijnë vetëm dy ditë pasi presidenti Abdel-Fattah al-Sisi nënshkroi ligjin e ri kundër terrorizmit, që parashikon dënime të rënda. /tesheshi.com/
