Ish-kryebashkiaku i Vorës, Agim Kajmaku, mohoi që një sasi prej 20 kg kokainë të kishte lidhje me të dhe nipin, thënë këtë para autoriteteve italiane.
Ata kanë mohuar faktin se janë të përfshirë me kokainën e gjetur në biznesin e tyre në Itali.
Sipas medieve të përtej detit, avokati mbrojtës tha se Kajmaku vazhdon të thotë se nuk ka lidhje me sasinë e kokainës të gjetur në fidanishten e tij.
Ndërkohë hetuesit vijojnë hetimet për të zbardhur se si ka mbërritur sasia e drogës në fidanishte, e cila ishte fshehur në vazot e bimëve që ishin blerë nga biznesi në pronësi të Kajmakëve.
Kujtojmë që Agim Kajmaku, prej 11 nëntorit të vitit 2019 ishte në kërkim, pasi Prokuroria firmosi urdhër-arrestin për të, por për muaj me radhë ai arriti t’i fshihej Policisë. Në Shqipëri ai ishte nën akuza për veprat penale si”falsifikim të formularëve” dhe “ushtrim i funksioneve pas dhënies fund të detyrës”. /tesheshi.com/
