Ish-kryebashkiaku i Vorës dalë nga zgjedhjet e 30 qesrshorit 2019-të, ato të bojkotuara nga opozita, është arrestuar në Itali, së bashku me nipin e tij, të kapur që të dy me drogë.
Agim Kajmaku ka vulosur kështu gjykimin opozitar mbi veten si një figurë e padenjë për të qenë kryebashkiak.
Kujtojmë që Kajmaku ishte në kërkim prej 11 nëntorit 2019, pasi Prokuroria firmosi urdhër-arrestin për të, por për muaj me radhë ai arriti të fshihej nga uniformat blu.
Fillimisht Agim Kajmaku u denoncua nga PD se kishte fshehur dënimin në Greqi për falsifikim parash, ndërsa rezultoi e vërtetë që në vitin 2003 ishte në kërkim për këtë akuzë por nuk ishte kapur për shkak se kishte ardhur në Shqipëri.
Kajmaku e fshehu këtë në formularin e dekriminalizimit, por pas publikimit të fakteve u shkarkua nga detyra pak muaj pasi ishte bërë kryebashkiak i Vorës.
Kajmaku dhe nipi i tij ranë në pranga pasi u kapën me 20 kg kokainë, të cilën e kishin fshehur në një vazo me lule. Nëse droga do të shitej kapte vlerën e 1 milion euro. /tesheshi.com/
