Në Amerikë është e mundur që çdokush të ketë një targë makine të personalizuar. Por nganjëherë fantazia e shoferave është mjaft e çuditshme.
Ama, në Kentucky, Bennie Hart nuk arriti të kishte targën që dëshironte, atë ku shkruhej “Jam Zoti”. Burri vendosi ta hedhë shtetin në gjyq duke pretenduar se është e drejta e tij të shkruajë çfarë të dojë. Ai thotë se ka përdorur të njëjtën targë në Ohio për 12 vjet rresht, përpara se të tranferohej në Kentucky.
Dhe burri, një ateist, dha një shpjegim të çuditshëm për zgjedhjen e tij, gjë që e afirmon si të kundërt me ateizmin. Ai tha se mesazhi i tij nuk kishte për qëllim të provokonte askënd, por ishte thjeshtë një mënyrë për të treguar se jo çdokush mund të ishte Zoti.
Ndërkohë, autoritetet e Kentuchkyt fetar dhe konservator ia refuzuan kërkesën, pasi nuk e panë me sy të mirë.
Për këtë arsye ai vendosi t’i hidhte në gjyq me anë të organizatës American Civil Liberties Union, me pretendimin se i është kufizuar liria e shprehjes, e cila mbrohen nga amendamenti i parë i Kushtetutës amerikane. /tesheshi.com/
