Shumë dentistë duket se janë dakord mbi faktin që pigmentet natyrore që gjenden tek çaji e ruajnë më tepër smaltin e dhëmbëve sesa kafeja, veçanërisht kur kjo e fundit bashkohet me duhanin.
Megjithatë diferenca mes kafesë dhe çajit duket menjëherë sapo dikush që i ka konsumuar këto pije, vë kokën në jastëk. Hulumtuesit në Universitetin “Surrey” në Britaninë e Madhe kanë konfirmuar se, edhe pse të dyja pijet kanë përfitime të ngjashme në rritjen e vëmendjes tuaj gjatë ditës, pirja e kafesë ka tendencë të vështirësojë fjetjen gjatë natës, për shkak se përmbajtja e lartë me kafeinë nuk ju lejon të flini.
E kundërta ndodh me ata që pinë çaj, bëjnë një gjumë më çlodhës.
Të dyja pijet kanë gjithashtu një funksion të rëndësishëm në mbrojtjen e zemrës. Roli i kafesë është pak më i madh në këtë drejtim, por edhe çaji nuk mbetet mbrapa pasi është mbrojtës kundrejt sëmundjeve kancerogjene, ndoshta për shkak të anti-oksidantëve që gjenden tek ai./tesheshi.com/
