Departamenti Amerikan i Shtetit ka përfshirë udhëheqësin çeçen Ramzan Kadyrov dhe disa anëtarë të familjes së tij në “listën e zezë” për shkelje të të drejtave të njeriut në këtë republikë ruse.
Të hënën, Kadyrov i dërgoi një mesazh Sekretarit të Shtetit të SHBA (“Pompeo, unë e pranoj luftën”), e më tej ai zgjodhi t’i dërgojë një tjetër mesazh, Departmentittë Shtetit, duke u shprehur nga profili i tij. Aty, ai publikoi familjen e tij dhe ironizoi duke kërkuar sanksionimin edhe të 12 fëmijëve të vegjël:
“Anëtarë të Departamentit të Shtetit,
Unë u zgjodha kryetar i Republikës Çeçene kur gati 100 përqind e popullsisë më votuan. Edhe sot, banorët e rajonit më mbështesin, gjë që mund ta shihni me sytë tuaj nëse vini në Çeçeni, në vend të bëni vlerësime nga ana tjetër e oqeanit.
Në rregull, nëse unë jam shkelës i të drejtave të njeriut, si i shpjegoni sanksionet ndaj gruas dhe dy vajzave më të mëdha? Çfarë krimesh kryen dhe të drejtat e kujt i shkelën?
Ju nuk keni përgjigje për këtë pyetje. Kjo është pikërisht ajo që tregon fytyra juaj e vërtetë mashtruese e komplotuesve dhe provokuesve të botës.
Ju zgjodhët metodat e liga dhe trazuat familjen time. Por institucioni i familjes çeçene është më i fortë se sanksionet tuaja! Dhe edhe nëse gruaja ime ose vajzat e mia kishin ndonjë interes në SHBA ose Evropë, ato do t’i braktisnin. Jo për shkak të lojërave tuaja të ndyra politike, jo me kërkesën time, por për shkak të shtetit, njerëzve dhe familjes.
Në emër të Atdheut, çdo anëtar i familjes time, çdo çeneçen është gati të luftojë për nderin dhe dinjitetin e vendit tonë të madh!
Përveç dy vajzave të mia më të mëdha, unë kam edhe 12 fëmijë të tjerë! Mos ngurroni t’i përfshini ato në listën e sanksioneve!”, shkroi Ramzan Kadyrov. /tesheshi.com/
