Kryetari i Kuvendit të Kosovës, Kadri Veseli sot përmes rrjeti social Twitter ka publikuar një fotografi me presidentin amerikan, Donald Trump, e realizuar gjatë qëndrimit ditë më parë të Veselit në SHBA.
“Të dashur miq, Sapo pranova fotografinë zyrtare nga takimi që pata ditë më parë, në Uashington, me Presidentin e Shteteve të Bashkuara të Amerikës, Donald Trump”, ka shkruar kryeparlamentari Veseli.
Mbështetja e konfirmuar nga adminsitrata e re amerikane dhe kjo fotografi ka dridhë jo pak Serbinë, ku portali serb B92, shkruan se Veseli është zyrtari i parë në rajon që ka arritur të fotografohet me Trumpin.
Kurse gazeta serbe “Blic”, takimin Trump-Veseli e quan “shuplakë të re për Serbinë”.
Po ashtu në të gjitha mediat serbe është raportuar edhe për deklaratat e ambasadores amerikane në OKB, Niki Hailey e cila kishte thënë se Kosova e meriton të jetë anëtare e Kombeve të Bashkuara.
“Ne duhet ta njohim progresin që Kosova e ka arritur”, ka thënë Haley.
Trump javën e kaluar i dërgoi letër presidentin Thaçi ku e përgëzoi për përvjetorin e nëntë të pavarësisë. /tesheshi.com/
