Kryetari i Kuvendit, Kadri Veseli, në një intervistë dhënë për Televizionin Publik në Kosovë, foli për takimet që zhvilloi ditët e fundit me ambasadorët e vendeve të QUINT-it dhe çështjen e zgjedhjes së presidentit.
Ai tha se mesazhi i diplomatëve të huaj që punojnë në Kosovë është që zgjidhja e krizës politike të bëhet në institucione dhe jo në rrugë.
“Të kemi durim, maturë, pjekuri në këtë proces të respektohet Kushtetuta , baza ligjore dhe institucionet e Kosovës.Qetësi vendosshmëridhe zgjidhja duhet të bëhet brenda institucioneve dhe jo në rrugë”, ka qenë mesazhi i ambasadorëve, tha Veseli
Zv.kryetari i Partisë Demokratike të Kosovës, Kadri Veseli, foli edhe për çështjen më të debatuar kohët e fundit, zgjedhjen e presidentit të vendit.
Ai tha se presidenti do të zgjedhet shumë shpejt për çka do të jenë të informuar qytetarët.
“Do të ndodh sepse janë afate kushtetuese dhe nuk varet nga dëshira personale.
Hashim Thaçi do të jetë president i Kosovës shumë shpejt brenda ditësh. Është kandidati më dinjitoz. Me fat Hashim Thaçit president dhe qytetarëve të Kosovës”, theksoi Veseli, në emisionin ‘Debat’ të RTK-së.
Ndërkaq, duke folur për protestat e opozitës, ai tha se VV, AAK e NISMA po harxhojnë para për sjelljen e qytetarëve me autobus në Prishtinë, pasi edhe nëse vendi shkon në zgjedhje, opozita do të ndjek rrugën e njëjtë të veprimit.
Ai tha se opozita më shumë të veproj për shtet se sa për karrige.
“E them publikisht se secili që vjen nga opozita jam i gatshëm t’ia lëshoj karrigen e kryekuvendarit”, tha Veseli.
Përgatiti: Blendi Gashi – /tesheshi.com/
