Edhe pse ndërkombëtarët nuk japin afate kohore për heqjen e vizave për kosovarët, kryeparlamentari Kadri Veseli është shprehur i sigurt se qytetarët do të mund të lëvizin të lirë në fund të këtij viti.
“Rinia do perspektivë dhe mos të lejojmë që të dalin. Jam bukur i sigurt që në fund të vitit do të kemi liberalizim. Zgjidhja e jetës sonë duhet të jete Kosova transformimi ekonomik dhe thellimi i respektit për atë që e kemi arritur. Nuk është e dinjitetshme që askush ta cenoj lirinë e Kosovës dhe shtetin sovran të Kosovës”, deklaroi Veseli në diskutimin publik të organizuar nga Instituti Demokratik i Kosovës (KDI).
Ndërkaq ai ka folur edhe për Kuvendin duke e quajtur institucion më transparentët në vend.
“Kuvendi është një nga institucionet më transparentë në republikën e Kosovës me qasje të plotë. Jemi i vetmi institucion që e publikojmë çdo tre muaj gjendjen financiare. Ta dinë qytetarët se si harxhohet paraja publike. Deputetet bëjnë punë të jashtëzakonshme shpesh herë paragjykohen ne mënyre te paarsyeshme edhe pse janë disa raste ku disa deputet vijnë vetëm për tu nënshkruar. Disa deputetë e kryejnë punën me dinjitet, por ka raste që disa deputetë vijnë vetëm sa të duken dhe të nënshkruhen vetëm sa ka transmetime televizive dhe largohen nga aty”, deklaroi Veseli. /tesheshi.com/
