Ish-kryeparlamentari i Kosovës, Kadri Veseli përmes një postimi në Facebook ka bërë të ditur se sot është regjistruar si deputet, ndërsa ka uruar për një fillim të mbarë.
“Sot e nisa ditën duke u regjistruar si deputet i Legjislaturës së gjashtë të Kuvendit të Republikës së Kosovës. Uroj për një mandat të mbarë për Kuvendin dhe për një fillim të ri e të suksesshëm për Kosovën”, ka shkruar ai.
Veseli është emri më i përfolur për kandidat nga radhët e koalicionit PDK-AAK-NISMA për kryetar të Kuvendit. Por, zyrtarisht ende nuk është bërë publik emri i tij, ose ndonjë tjetri për këtë post.
Zyrtarë të PDK-së vazhdimisht thonë se ai do të jetë kandidati i PAN-it, ndërsa Lëvizja Vetëvendosje dhe LDK kanë konfirmuar se do të votojnë kundër. /tesheshi.com/
