Kryeparlamentari Kadri Veseli ka paralajmëruar miratimin e ligjit të Vettingut, për të cilin tha se kishte biseduar edhe me kryeministrin e ardhshëm, Ramush Haradinaj.
Pas zgjedhjes në një tjetër mandat në krye të Kuvendit të Kosovës, Veseli foli për realizimin e një sërë reformash, si në sistemin e drejtësisë, atë politikë, sigurisë etj
Veseli tha se Kosova do të jetë strehë e sigurt e të gjithë qytetarëve të vendit dhe se çështjet që janë të ngritura me hipoteza do të orientohen në mënyrë shumë të hapur.
“Çështjet që kanë të bëjnë me hipoteza të ngritura do t’i orientojmë brenda institucioneve në mënyrë shumë të hapur. Kemi nevojë për reforma në sistemin e drejtësisë. Kam biseduar edhe me mandatarin për çështjen e Vetingut i cili do të përfshijë jo vetëm sistemin e drejtësisë dhe sigurisë por edhe atë politik. Propozimi ynë do të jetë shumë i qartë për të gjithë ne në politikë, por edhe për të gjithë familjarët tanë që të dihet saktësisht se cila është e vërteta”, tha Veseli.
Kreu i PDK-së po ashtu tha se ky është shtet i pavarur dhe ka organe e institucione që duhet shkuar deri në fund. /tesheshi.com/
