Po Kadri Veseli çfarë mendon për projektin parlamentar të zhbërjes së Speciales? Njeriu nga i cili pritet të kalojë inisiativa ligjore e 43 deputetëve, e ka fshehur qëndrimin e tij pro apo kundër projektit ndërkombëtar për të gjykuar ish-drejtuesit e luftës, ndër të cilët është dhe ai vetë, duke përdorur fraza me ngarkesë zyrtare.
Ai mjaftohet duke thënë se gjithçka ka qenë konform ligjit, ndërkohë që debati është për tjetër gjë, nëse ai dhe të tjerë krerë të shtetit, e përkrahin apo jo inisiativën e kolegëve të tyre.
“Deputetët e Kuvendit të Kosovës janë sovranë në të drejtat, përgjegjësitë dhe vendimet e tyre. Në respektim të Rregullores së Kuvendit, iniciativa e 43 deputetëve për të sjellë një projektligj që shfuqizon Ligjin për Dhomat e Specializuara është shqyrtuar dhe është proceduar për vendimmarrje, bazuar në Rregulloren e Kuvendit. I gjithë procesi është zhvilluar konform ligjeve të vendit dhe qëndrimeve politike të secilit subjekt”, ka thënë Veseli. /tesheshi.com/
