Kryeparlamentari, Kadri Veseli, është bërë bashkë me shefen e Zyrës së Bashkimit Evropian në Kosovë, Natalia Apostolova dhe ambasadorë të vendeve të BE-së të akredituar në Kosovë kundër kryeministrit Haradinaj ku në takimin që ka zhvilluar ka deklaruar se marrëveshja e Demaracionit duhet të kalojë, në mënyrë që të forcohet sovraniteti i shtetit dhe t’i hapet rrugë liberalizimit të vizave.
“Qëndrimi im, por edhe i subjektit tim që përfaqësoj është i qartë. Marrëveshja me Malin e Zi duhet të ratifikohet. Marrëveshja duhet të kalojë dhe vota jonë është ‘pro;, siç e kemi thënë në vazhdimësi. Gjithsesi, unë besoj se duhet të ketë një konsensus të plotë për këtë marrëveshje”, theksoi ai.
Por kryetari Veseli theksoi se edhe Bashkimi Evropian duhet të veprojë shpejt dhe qartë sa i përket liberalizimit të vizave për qytetarët.
Në këtë takim, Kryeparlamentari ka diskutuar me ambasadorët e vendeve të Bashkimit Evropian për përkushtimin e tij për intensifikimin më të madh të punës së Kuvendit për të përmbushur agjendën legjislative në rrugën drejt integrimeve evropiane. /tesheshi.com/
