Ismail Kadare i ka shkruar një letër të posaçme ambasadorës se BE-së në Tiranë, Romana Vlahutin pas agresionit verbal që iu bë sot së fundi ga Kastriot Myftaraj. Kjo letër e tij vjen vjen 6 vjet pas asaj drejtuar Bashës, në kohën kur KQZ –ja e drejtuar nga Ristani haptazi kishte nisur një aksion “rinumërimi” votash, par ta kaluar fitoren nga Rama drejt kandidatit demokrat në zgjedhjet për Tiranën. Atëherë Kadare i lutej Bashës që të hiqte dorë nga ajo që po ndodhte e të pranonte humbjen, por ky i fundit iu përgjigj me tezën e asaj kohe “numërimi i çdo vote nga populli” dhe vijoi të priste mandatin e dhuruar nga KQZ.
Tashmë, shkrimtari i njohur i përcjellë një mesazh ambasadores së BE-së dhe jo vetëm për gjuhën e Myftarajt ndaj tij, siç dhe mund të kuptohet.
“Nuk është fjala për të sqaruar këtu se ç’është fyerja e një njeriu jo normal dhe se sa pak lidhje ka ajo me një popull e një shoqëri të tërë. Megjithatë ajo fyerje u botua nga shtypi i vendit tim, kështu që në një mënyrë ose një tjetër na vuri para përgjegjësisë të gjithëve.
Ndonëse shkrimtar i njohur, nuk marr përsipër të përgjigjem për ato çka mund të ndodhin në këtë vend, për mirë apo për keq. Do të doja thjesht të ndaja me ju pikëllimin që mund të ndiejë njeriu, i cili, në vendin ku vjen të ndihmojë për kapêrcimin e brengave, ndeshet me një mosmirënjohje të tillë”, thekson Kadare.
Letra e Kadaresë në fakt nuk është publike por është shpërndarë nga zyra e Bashkimit Europian në Tiranë. /tesheshi.com/
