Donika Kadaj-Bujupi, shefe e grupit Parlamentar të AAK-së, në seancën e sotme në Kuvend kishte sjellë me vete një dokument që, sipas saj, legjitimon pronësinë e Serbisë në Kosovë.
Ajo tha se dokumenti është nënshkruar nga kryeministri Mustafa e në të thuhet se: “Serbia konsideron se, në pajtim me ligjin vendor dhe ndërkombëtar, përkatësisht rezoluta 1244, prona brenda territorit të Kosovës është në pronësi të Serbisë, sipas rregullimit specifik, provincial dhe në pajtueshmëri të plotë me Kushtetutën e Serbisë”.
Ajo ka thënë se ky dokument ka inicialet e nënshkrimit nga Isa Mustafa e ky i fundit duhet të përgjigjet para kuvendit të Kosovës, nëse i qëndron këtij nënshkrimi e jo të fshihet skutave.
“Kryeministri Mustafa duhet që ta konfirmojë nëse e ka vënë nënshkrimin e tij në këtë marrëveshje”, ka thënë Kadaj-Bujupi./tesheshi.com/
