Athina zyrtare vijon ta mbajë të ndezur debatin mbi vdekjen e minoritarit Kostandonos Kacifas në Bularat të Dropullit, ngjarja e ndodhur të dielën e kaluar dhe që ka sjellë fërkime të reja dypalëshe.
Nr.2 i qeverisë së Tsiprasit, Jorgos Katrougalos përëoi mesazhin se negociatat Tiranë – Athinë, këtej e tutje do ndikohen dhe nga zbardhjaja e incidentit.
“Jemi në kontakt të vazhdueshëm me autoritetet diplomatike të vendit fqinj dhe prioritetet tona janë ato që thamë që në fillim: të hidhet dritë e plotë mbi çështjen. Të mbrohen të drejtat e vëllezërve tanë grekë që jetojnë atje. Për fat të keq, në vend që të na mbetet imazhi i gëzuar i dy vendeve që pajtohen dhe nderojnë të vdekurit, kishim këtë shije të hidhur nga vdekja e homogjenit tonë. Deri tani, kishim evoluar në progresin e negociatave diplomatike mes dy vendeve. Me të vërtetë është një test sesi do të avancojë kjo çështje me drejtësinë shqiptare. Unë nuk dua të paragjykoj, dua të shpresoj që do të kemi zhvillimin që të gjithë presim dhe shpresojmë”, tha z. Katrougalos.
Kacifas u vra të dielën nga forcat RENEA, pasi qëlloi mbi policinë dhe mbi vetë specialet. Por edhe pse të dhënat e deritanishme flasin për një vrasje të paevitueshme në kushtet kur i ndjeri ka qëlluar rregullisht ndaj forcave të rendit, kjo për orë të tëra, faktori grek në disa nivele, që nga ai civil e deri te ai politik, e sheh ngjarjen ndëshkim mbi baza etnike. /tesheshi.com/
