Zyrtari më i lartë ushtarak i Mbretërisë së Bashkuar, marshalli Stuart Peach paralajmëroi për kërcënim të ri nga Rusia ndaj komunikimeve dhe kabujve të internetit që ndodhen nën det. Shefi i stafit të Mbrojtjes, tha se Britania dhe NATO duhet të vendosin si prioritetet mbrojtjen e linjave të komunikimit.
Ai deklaroi se një prerje apo shkëputje e tyre mund të rezultojë “në katastrofë të menjëhershme” për ekonominë.
Kabujt e internetit janë të shtrirë në shtratin e detit, duke lidhur shtetet dhe kontinentet.
Sipas një raporti të fundit nga kompania “Policy Exchange”, rrjeti nën det i këtyre kabujve vlerësohet të jetë prej 213 sisteme të pavarur linjash dhe prej 877,121 kilometra fibrash.
Studimi thotë se mungesa e pronësisë shtetërore mbi to, do të thotë se kabujt nuk kanë mbrojtje të fortë nga ligji ndërkombëtar. Pavarësisht kësaj, vlerësohet se 97 për qind e komunikimeve globale dhe transaksione me vlerë 10 trilionë dollarë në ditë transmetohen përmes kabujve nën det. /tesheshi.com/
