Trajneri italian Massimiliano Allegri, i cili ndërpreu lidhjet me Juventusin në maj, tha se teknologjia po vret futbollin.
“Me këtë trend, nuk do të keni më lojtarë që mendojnë”, tha Allegri për ESPN.
Ai zbuloi se nuk e përdor kompjuterin fare, duke vërejtur se shumë trajnerë në futbollin modern varen shumë nga teknologjia.
“Unë kam vetëm një iPad që Juventus më dha. Unë shikoj ndeshje në të, ndjek disa statistika, por jo shumë. Për fat të mirë, kam një kujtesë të mirë dhe mund të mbaj mend atë që ndodhi në ndeshje. Trajneri duhet të jetë gjithmonë pranë fushës. Ai duhet ta ndiejë lojën. Le të themi se ai duhet të kuptojë kur është koha për të ndryshuar një lojtar”, tha Allegri.
“Nëse nuk duhet të jetë kështu, atëherë trajneri është i lirë të shkojë në kinema gjatë ndeshjes”, tha eksperti italian, duke theksuar se futbolli është disi një art.
“Futbolli është një art, dhe lojtarët e klasit botëror janë artistë të shkëlqyeshëm”, tha Allegri. /tesheshi.com/
