Një kolonel në pension i ushtrisë austriake është akuzuar për spiunazh dhe është kërcënuar me dhjetë vjet burg për bashkëpunim me inteligjencën ruse për të paktën njëzet e pesë vjet, kanë thënë prokurorët në Salzburg.
Çështja u zbulua një vit më parë dhe ka krijuar tension diplomatik midis Vjenës dhe Moskës, të cilat tradicionalisht janë përpjekur të ruajnë marrëdhënie konstruktive pavarësisht sanksioneve të BE-së ndaj Rusisë.
71-vjeçari përdori komunikime radio dhe satelitore, si dhe softuer të specializuar për të qëndruar në kontakt me bashkëpunëtorin e tij në agjencinë ruse të inteligjencës GRU, kanë gjetur prokurorët.
Ai dyshohet se i zbuloi Moskës që nga viti 1993, informacione rreth forcave të armatosura austriake dhe misioneve të forcave ushtarake dhe ajrore.
Ai vlerësohet të ketë marrë 100,000 euro për këtë dhe vazhdoi të bashkëpunojë me rusët edhe pas daljes në pension.
Vitin e kaluar, ministri i Jashtëm rus Sergei Lavrov mohoi pretendimet, duke thënë se “kjo është një çështje për të cilën ata nuk dinë asgjë.” /tesheshi.com/
