Ekspozimi me radiofrekuencat tipike të celularëve rrit rastet e tumorit tek meshkujt. Lajmi është konfirmuar nga një studim i madh i cili ka zgjatur dy vite dhe është bërë nga National Toxicology, program amerikan, sipas së cilit, rritjet e vogla, por statistikisht të rëndësishme, vërehen në një lloj kanceri të trurit të njohur si gliomi. Studimi, i cili ka kushtuar 25 milion dollarë, është realizuar në mbi 2500 minj, të cilët iu janë ekspozuar radiofrekuencave të ndryshme në 25 dhoma të programuara apostafat.
Vendimi për të publikuar rezultatet e studimit mbi minjtë ka ardhur pasi sajti microëave.com kishte publikuar para kohe këto rezultate, ndërsa raporti i plotë, i cili është kontrolluar dhe verifikuar nga autoritete të pavarura, do të publikohet vitin e ardhshëm.
Tema e lidhjes mes celularëve dhe tumoreve është shumë e debatueshme. Organizata Botërore e Shëndetësisë i ka kalsifikuar radiofrekuencat e grupit 2b si kancerogjene, por disa hulumtime epidemiologjike, e fundit prej të cilave është publikuar pak ditë më parë dhe është kryer në Australi, ka përjashtuar lidhjet. /tesheshi.com/
