Në Suedi, një merimangë ka gjetur një fole aspak të zakontë: veshin e një gruaje. Lajmi është bërë publik nga e përditshmja “Expressen”, sipas të cilës gruaja e ka vënë re “mysafirin” e paftuar vetëm kur ka derdhur në vesh një lëng për pastrimin e veshit. Aty e ka parë merimangen që ka dalë dhe ka ikur.
Kur ka parë merimangën duke dalë, gruaja është kujtuar për një episod të para gati një muaji. Një mbrëmje e kishte vënë re insektin në kreatin e saj dhe e kishte përzënë. Por me sa duket kjo nuk ka mjaftuar që ta dekurajojë insektin e vogël. Sapo gruan e ka zënë gjumi, merimanga është kthyer në sulm dhe është futur në pjesën dëgjuese, duke krijuar një fole.
Pak ditë më pas, gruaja ka filluar të ndjejë një dobësim të dëgjimit, por kishte menduar se është për shkak të papastërtive në vesh. Vetëm kur një natë dëgjoi njëfarë “zhurme” vendosi më në fund që të blinte një ilaç në farmaci. Në këtë pikë, mysafiri ia mbathi, ndoshta në pritje që të kthehet prapë në një nga netët kur zonja do të jetë duke fjetur. /tesheshi.com/
