Hyri në një bankë duke mbajtur në dorë një copë letër në të cilën kishte vizatuar një pistoletë, si të ishte një armë e vërtetë. I është drejtuar njërës prej punonjëseve të bankës dhe i ka kërkuar duke e kërcënuar, që t’i dorëzonte paratë.
Më pas është arrestuar. Është e kotë të thuhet se tentativa për vjedhje ishte disi e suksesshme apo e vështirë për policët, pasi autori, një 33 vjeçar britanik u arrestua menjëherë dhe pritet të procedohet penalisht.
Ngjarja e pazakontë ka ndodhur në një zonë në qendër të Varshavës, në një bankë në Jerozilimskie Avenue, disa ditë më parë. “Kjo është një grabitje! Jam i armatosur! Më jepni menjëherë të gjitha paratë”,- ka shkruar burri në një copë tjetër letre, të cilën e ka nxjerrë pasi ka trembur të pranishmit me pistoletën false.
Punonjësja e arkës i tha shumë qetësisht të priste radhën dhe ai ishte bindur pa u menduar dy herë. Më pas punonjësja telefonoi policinë dhe grabitësi i dështuar u arrestua disa orë më pas. Ai akuzohet për tentativë grabitjeje./tesheshi.com/
