Vaj esencial i i rigonit përftohet nga gjethet dhe lulet e rigonit (Origanum vulgare), një bimë rezistente, e dendur pjesë e familjes së mentes (Lamiaceae). Është bimë që i përket Evropës, edhe pse rritet në shumë zona rreth botës.
Bima rritet deri në 90 centimetra lartësi, me gjethe ngjyrë të gjelbër të errët me madhësi dy-tre centimetra. Grekët e lashtë dhe romakët e kanë përdorur këtë bimë për qëllime të ndryshme mjekësore.
Në fakt emri i tij vjen nga fjalët greke “oros” dhe “ganos”, që përkthehen mal dhe gëzim, – (oregano) rigon do të thotë “gëzimi i malit”. Është nderuar si simbol i lumturisë dhe ka qenë një traditë e vjetër kurorëzimi i çifteve me kurorë rigoni.
Ka më shumë se 40 lloje rigoni, por me më shumë veti terapeutike është vaji i prodhuar nga rigoni i egër ose Origanum vulgare që gjendet në zonat mesdhetare.
Kini kujdes, megjithëse shiten shumë lloje vaj rigoni nëpër dyqane, nuk bëhen nga kjo lloj bime, ndaj dhe kanë shumë pak ose asnjë vlerë terapeutike. Zgjidhni gjithmonë vajin e rigonit të përftuar nga Origanum vulgare dhe Thymus capitatus (trumza), një varietet që rritet në Spanjë.
Për të përftuar vaj esencial rigoni, lulet dhe gjethet e bimës së rigonit të egër të thata mblidhen kur përmbajtja e vajit të kësaj bime është në nivelin më të lartë dhe më pas distilohet. Vaji i përftuar është me ngjyrë floriri në të verdhë të errët, me një aromë djegëse të fortë. /tesheshi.com/
