Mund t’ju ketë ndodhur shumë herë, kur ishit fëmijë, të donit të zbulonit se çfarë dhurate ju kishin blerë prindërit kur keni pasur ditëlindjen. Kurioziteti juaj mund të ketë qenë aq i madh saqë keni bërë gjëra të ndryshme për të zbuluar para kohe dhuratën.
Lily është një vajzë shumë inteligjente, e cila është munduar të “gënjejë” të ëmën, duke shkruar një letër. Ajo donte të bënte mamanë e saj të mendonte që letrën ia kishte shkruar babai, në mënyrë që të mësonte për dhuratën para kohe. Kështu i shkroi letrën që është duke bërë xhiron në internet. E ëma e kuptoi menjëherë “gënjeshtrën” nga shkrimi dhe gabimet ortografike të së bijës.
“Të lutem, gruaja ime e dashur, më kujto se çfarë dhurate i kemi bërë Lilyt, pasi e kam harruar. Me dashuri, Don”, – shkruhej në letër. /tesheshi.com/
