Dietat që bazohen në privimin nga ushqimi shpesh tregohen të suksesshme vetëm në plan afatshkurtër, sepse kilogramët e humbur kthehen shpejt.
Dietologja Whitney Stuart thotë se shumica e dietave kanë rregulla strikte, dhe janë të bazuara në idenë e një konsumimi më të vogël të ushqimit, numërimit të kalorive, të ushqyerit në kohë të caktuar, etj., dhe këto rregulla, beson ajo, është vështirë për t’ju përmbajtur në plan afatgjatë.
Ideja e privimit nga ushqimi i cili është pjesë përbërëse e shumë dietave jep një ndjenjë të kontrollit mbi situatën, dhe njerëzit që janë në një dietë të tillë shpesh mendojnë: “Shumë mirë, deri tani nuk kam ngrënë asnjë ëmbëlsirë”, por më kohën bëhet gjithnjë më e vështirë të ruhet vetë-kontrolli dhe së shpejti do të fillojnë të mendojnë: “nuk kam ngrënë biskota për dy javë, andaj e meritoj një!” Pastaj, fillojnë të ndihen keq për shkak se nuk kanë arritur të kontrollojnë veten.
“Ju dhe kualiteti juaj nuk përcaktohen me atë se çfarë hani ju. Ky lloj i të menduarit është i gabuar”, thotë Stuart.
Ka disa gjëra të cilat duhet shmangur, për shembull, konsumin e vazhdueshëm të ushqimeve të shpejta jo të shëndetshme, ushqimeve me përqëndrime të larta të sheqerit dhe përdorimin e sasive të madhe të alkoolit.
“Megjithatë, ne nuk duhet të nxisim dietat e bazuara në privimin nga ushqimi, si mënyra e vetme për të humbur peshë, sepse ka të tjera mënyra,” tha ajo.
Ajo propozon ndryshime të vogla, por të qëndrueshme, efikase dhe afat-gjatë dhe thotë se moderimi në të gjitha gjërat është më e rëndësishmja. Problemi me shumicën e njerëzve është se ata nuk kanë durim për ndryshimet për të cilat nevojitet më shumë kohë, e të cilat, shikuar në plan afatgjatë, sjellin rezultate më të mira. /tesheshi.com/
