Tufat e karkalecave të shkretëtirës kanë shkatërruar rreth 200,000 hektarë tokë bujqësore dhe miliona janë të varur nga ndihma urgjente e ushqimit, njoftuan Kombet e Bashkuara.
Karkalecat janë shfaqur me shira të mëdha muajt e fundit dhe përmbytën rajonin duke shkaktuar dëme të mëdha në Etiopi, Somali, Kenia, Djibouti, Eritrea, Tanzania, Sudan, Sudanin e Jugut dhe Uganda.
Në Etiopi, këto insekte kanë shkatërruar plantacione drithërash dhe zvogëlojnë ndjeshëm zonat e kullotjes së bagëtive, tha FAO – Organizata e Ushqimit dhe Bujqësisë.
Rreth 75 përqind e etiopasve që jetojnë në qendër dhe në jug të vendit kanë nevojë për ndihmë ushqimore.
Pandemia e koronavirusit ndërlikon shumë përpjekjet për të zbutur fatkeqësinë, paralajmëroi zëdhënësi i Etiopisë për FAO, Fatouma Seid.
Etiopia ka regjistruar zyrtarisht vetëm 74 raste të koronavirusit, por ajo kryen shumë pak testime.
Për sa i përket karkalecave, FAO paralajmëroi javën e kaluar për rritjen e madhe të numrave të karkalecave në rajon që paraqesin një kërcënim të paparë për ushqimin e popullatës. /tesheshi.com/
https://twitter.com/i/status/1238468699964575746
