Xhenova i ndalte hovin Milanit më 25 tetor në momentin e tij më të mirë, duke fituar 3-0. Të njëjtën gjë bëjnë xhenovezët ndaj Juventusit, të cilin e mposhtin 3-1.
Një paraqitje e shkëlqyer e lojtarëve të Xhenovës në pjesën e parë, që kryesojnë 3-0 që në minutën e 29-të. Dy herë shënoi Simeone, përpos një autogoli të Alex Sandro-sit.
Pjanic veç ngushtoi rezultatin tetë minuta para mbarimit të lojës, me një ekzekutim mjeshtëror të një goditjeje dënimi.
Pavarësisht humbjes, Juventusi qëndron në krye të Serisë A në javën e saj të katërmbëdhjetë, por diferenca me rivalët ka zbritur në katër pikë.
Lacio, me Strakoshën në portë, fitoi 0-1 në fushën e Palermos, duke u ngjitur për momentin në vend të tretë në renditje.
Në ndeshjet e tjera të mesditës të kampionatit italian, Atalanta fitoi 0-2 në transfertën e Bolonjës, Kaljari mposhti 2-1 Udinezen, ndërsa Krotone e Sampdoria u ndanë në barazim 1-1. /tesheshi.com/
